CYRIA
Malakas ang kaba habang nakasakay ako sa taxing sinasakyan ko. Mabuti na lang at may hinatid itong foreign national kanina sa labas ng lobby kaya agad na nilapitan ko ito ng makita ko sa takot na baka may mga tauhan si Dawson na naririto.
Wala na akong pakialam kahit magkano ang babayaran ko. Hindi namin napag-usapan ng driver na tinanong ko kung p'wede niya akong ihatid dahil hindi naman ito big deal sa akin. Gusto ko lang na makarating agad ako sa family house namin.
"Wala na po bang ibibilis iyan, manong?" nag-aalala na tanong ko dahil kung ako nagmamaneho nito, baka kanina ko pa pinaharurot ang sasakyang ito pero hindi nga naman ito sports car gaya ng pag-aari ko kaya wala akong choice kung 'di ang maupo dito sa likod habang nakatutok ang mga mata sa kalsada at nagbibilang n
