DAWSON
Hindi ko alam kung ilang ulit na puro alak na lang ang naging sandigan ko para makalimot. Pakiramdam ko ay ayaw ko nang humarap sa kahit na sino dahil wala akong mukhang maihaharap sa kanila matapos kong mapabayaan ang sarili kong asawa.
Unang gabi ng lamay ngayon ni Cyria, pero wala akong lakas ng loob na lumapit sa kanya lalo na kay Zandro na tulala at kahit minsan ay hindi ako kinausap.
Alam kong gaya ko, labis rin siyang nagluluksa. Parang walang buhay at hindi ko pa nakitang kumain kahit minsan. He became cold and distant kaya lalo lamang akong na-gu-guilty sa pagkamatay ng asawa ko dahil mga magulang ko ang puno't dulo sa nangyari kay Cyria.
She suffered so much, pinahirapan ko pa siya ng ikasal kami and I treated her badly pero wala akong narinig na kahit ano sa kanya.
