"Ay, anong advance ang pinag-uusapan ninyo? Advance sa sahod?" agaw naman ng Tita Bonie niya na papasok.
"Itong si Tiyang, advance. May pa touch screen," tila sumbong sa tiyuhin.
"Ay! Bongga ka, Ate Lourdes. May pa touch screen, patingin nga," saad nito na tila nainggit sa kapatid dahil sa bagong gadget. "Sus! Kaya pala puro sardines at tuyo ulam natin nitong nakaraan dahil may pinaglalaanan itong si Ateng Lourdes," parunggit ng Tita Bonie niya.
"Sus! Sabihin mo lang ay naiingit ka dahil ako nakabili ng cellphone. Ikaw, aba! Malapit ka nang maunat gaya ng buhok na inuunat mo ay wala ka pa ring cellphone," sagot na parunggit naman ng tiyahin dito.
"Hala siya! Ako kasi ay nag-iipon para may madudukot sa oras ng pangangailangan at hindi kapritso lang," saad naman ng isa. Mabilis na hinab
