Kapwa sila napalingon sa tumawag sa kaibigan. Kilala ang boses pero nais makasiguro. Paglingon ay nakita ang boss kasama si Sherry na noon ay feel na feel ang pagiging pekeng foreigner.
"Hey, Kuya. Buti naman at dumating ka?" masiglang bati ni Maine sa kapatid nito. "Bilis na, ayos mo ang bigote mo!" mariing bulong nito.
Mabilis na dinikit pabalik ang pekeng bigote. "Ayos na ba?" tanong rito.
"Tabingi kaya, dali na papalapit na sila," gagad pa nito.
"Bakit hindi kaya ikaw maglagay? Hindi ko kita!" inis rito. Doon ay mabilis na kinuha at dinikit iyon na saktong nakalapit ang dalawa. Nang bumaling ang kaibigan dito ay mabilis niyang binati ang kapatid.
"Hi, Kuya. Buti naman at naisipan mong sumunod. Oh, hi, Sherry. You look fabulous," papuri sa babaeng nakaabresiyete sa braso ng Kuya
