Agad akong nahanap ng mga mata niya at nagkatinginan kami. Ilang linggo ko siyang hindi nakita. Naging abala ako sa trabaho.
Dinala ni Yvette si Iñigo sa parehong mesa kung saan ako. Naupo siya at iniwan muna kami ni Yvette – para ikuha rin siya ng pagkain. Binaba ko ang tingin sa aking pinggan. Parang bigla ay nawalan ako ng gana.
Ramdam ko ang mga mata niya sa akin pero hindi ko siya tiningnan. Tumayo ako at iniwan siya doon. Tinungo ko si Yvette at inabala nalang ang sarili sa pagkuha ng dessert. Parang nabalik ang gana ko nang makita ang mga matamis.
"You invited him, Yvette?" natanong ko na siya habang magkatabi kami doon sa mahabang mesa at nangunguha ng pagkain.
Yvette turned to me, nahinto sandali sa ginagawa. "Hindi ko pala nasabi sa 'yo, Miss. Dating namamasukang family d
