Parang kailan lang nangyari ang lahat ng mga masasalimoot na pangyayari sa buhay ni Xoria. Naalala na niya ang lahat at nakakaramdam na rin ng masidhing sakit. Iyong mga emosyon na pilit niyang tinakasan ay nagbabalik na rin. Naalala na niya ang mga dahilan kung paano siya humantong sa ganitong buhay. Naalala na niya ang mukha ng lalaking iniibig niya at ang bawat pait na hatid ng pag-ibig na iyon. Naalala na niya kung bakit niya pinatago ang puso niyang hindi na halos magamit sa sobrang pagkadurog. At higit sa lahat, naalala niya ang mga binitiwang pangako sa kaniyang yumaong na mga magulang.
Sa dami ng mga alaalang pumasok sa kaniya nang makuha niya ang puso niya, pati ang matinding pagmamahal niya sa lalaking ito, na siyang naging puno't dulo ng lahat ay naalala na rin niya. N
