"Ngayon na nandyan siya sayo ay gusto niyang malaman mo na may sakit siya. Wala siyang ibang pinagsasabihan kung may sakit siya. At ngayon lang nangyari ito na lumapit siya sayo." mahaba pa na sabi ni Mrs. Green habang nakikinig na lang si Isabella dito.
"Pero..."
"Ibig sabihin lang niyan ay buo ang tiwala niya sayo." pagpapatuloy pa ni Mrs. Green.
Muling naikwento ni Mrs. Green ang sinabi sa kanya ni Marcus na minsan siyang pinunta sa ospital ay tinurukan siya ng ibang gamot.
Muli na lang siyang nagpakawala ng malalim na paghinga.
"Kaya nakikiusap ako sayo, Isabella. Baka sakaling ikaw na ang makapagpainum sa kanya ng gamot." pakiusap pa ng lolo ni Marcus sa kanya.
Napatitig si Isabella kay Marcus na nakapikit na mula sa pagkakayakap nito sa kanya.
"Para siyang si kuya Mar na nakil
