NANG sumunod na araw, isang simpleng kasalan ang ginanap sa opisina ni Judge Arcega. Kasama ang mga magulang ni Vincent. Ang kanilang anak na si Matthew at maging sina Cherry at ang ina nitong si Selya ay naroroon din. Kapwa masayang masaya ang mga ito para sa kanya at kay Vincent. At dahil nga ipinangako niya sa lalaki na isusuot niya ang white dress na gustong-gustong nito, ganoon na nga ang ginawa ni Isla.
“Congratulations,” ang umiiyak na bati sa kanya ni Cherry saka siya nito niyakap.
Sinubukang kontrolin ni Isla ang sarili niyang emosyon at nagtagumpay naman siya doon.
“Maraming salamat sa lahat. Mami-miss kita, pati na rin si Mama Selya,” aniya. Hanggang sa kalaunan nga ay napaiyak na rin siya. “Dadalawin namin kayo sa Maynila kapag may oras. Syempre naman hindi namin kayo makaka
