Makalipas ang tatlong taon…
Nakangiting naghihintay sa airport si Maxen na ngayon ay bumalik na sa pagiging chairman ng El Cuangco Corporation matapos mabawi ang empleyadong tumangay ng pera ng kumpanya at nakuha rin nito ang pinangakong purchase sa Velasquez Company, kung kaya naman mas lumaki pa ito kumpara noong dati.
Napatayo ang lalaki nang makita ang balik-bayang inaantay niya na kasama ang ilang mga pasaherong naglalakad sa may luggage scanning aisles. Ramdam niya ang kaligayahan sa kanyang puso.
He knows na he already gained her forgiveness noong napilitan siyang palayain siya at tulungang umalis ng bansa at ayusin ang kanyang buhay sa Amerika tatlong taon na ang nakakararaan. Ito kasi ang natatanging hiling na hiniling niya rito matapos siyang maitakas sa nagkakagulong venue.
