Nagkikinangang mga chandeliers at mga karagdagang LED lights na ikinabit ang siyang nagpapakislap ng gabi sa isa sa mga hotel ng El Cuangco Corp. kung saan ipinagdaraos ang muling pagbabalik sigla ng kumpanya at pang-welcome party na rin sa bagong luklok na pinuno ng kumpanya.
Ang ganitong celebration ay karaniwang ginagawa lamang kasama ang mga board of directors sa isang sosyal at pribadong dinner meal sa bahay ng bagong chairman, ngunit mas pinili ng dating chairman ng Vragus Empire na gawin itong pinakalaking pagdiriwang.
Hindi mawari ng dalaga kung kagustuhan lang ng kanyang lolo na ipamukha sa mga taga-Vestria na isang taga-Bronton na ang nagmamay-ari ng ipinagmamalaki nilang kumpanya, o sadya lang talagang napakasaya nito sa naging tagumpay nila kaya’t gusto niya itong ipagdiwang
