REAGAN FAYE RODRIGUEZ
DAHAN-DAHAN akong bumuga ng malalim na hininga bago ko isinilid sa loob ng sling bag ang luma kong cellphone. Sumakay na ako ng taxi. Pagdating ko sa bahay, as usual, ako lang ang natirang gising.
Hindi muna ako nag-bihis. Tahimik akong umupo sa kama ko. Saglit ko munang sinulyapan si Ate Eva na naka-talikod at sunod kong kinuha ulit ang cellphone ko. Doon ko na in-open ang screen. Pumait kaagad ang ngiti ko nang masilayan ang wallpaper ko.
Kuha pa ito noong third year high school pa kami at monthsary pa namin. Ang tatamis ng ngiti naming dalawa. Suot pa ang uniform habang kapit-kapit ko ‘tong teddy bear na binigay n’ya sa ‘kin dahil alam n’yang mahilig ako sa gano’n.
Sobrang saya ko sa araw na ‘yon dahil sinurpresa n’ya ako. Naka-tago ang teddy bear sa ibabaw
