Kung nagulat siya sa muling pagkikita nina Margaret, mas nabigla ang babae at kaagad nitong itinago ang batang lalaki na para bang isa siyang witch.
“Ang cute naman niya,” sabi ni Meghan na ang tinukoy ay ang batang nagtago sa likod ng kanyang ina.
“Meghan…,” at sa unang pagkakataon ay sinambit niya ang pangalan ng babaeng naging dahilan ng kanilang paghihiwalay ni Nick. Ilang taon na ang nakalipas ngunit hindi niya pa rin napatawad ang babae sa pang-aagaw nito kay Nick.
“Nabanggit ni Nick sa akin na hindi ka na magpapakita dito. Anong nangyari?” Agresibo na kaagad ang boses ni Meghan habang tinanong ang babaeng naging karibal niya noon.
“Kung inakala mo na si Nick ang dahilan ng pagbalik namin dito ay nagkakamali ka,” paliwanag ni Margaret.
Tumango lang si Meghan dahil alam niyang
