NGUMAWA-NGAWA si Joanna dahil nananakit na naman ang lalamunan niya pagkaalala sa kanyang anak. Hanggat kaya niya ay sinikap niyang pigilan ang mapaluha. Nag-aalala siya sa kalagayan ni Norielle. Baka hinahanap na siya nito. Ni hindi man lang alam ni Ara kung nasaan siya.
Huminga siya nang malalim pagkuwan ay straight na ininom ang red wine sa kanyang baso.
Nang mga sandaling iyon ay nasa tabing-dagat siya. Doon siya dumiretso nang hindi siya makatulog dala ang isang bote ng mamahaling red wine na nakita niya sa may mini bar at isang wine glass. Maliwanag naman ang paligid, salamat sa liwanag na nagmumula sa bilog na buwan. At dahil sila lang ang nasa isla ni Nash kaya wala rin siyang dapat na ipag-alala. Safe siya kahit doon pa siya makatulog.
“Norielle,” anas pa niya sa pangalan ng an
