HINAWI ni Jove ang kurtinang nakatakip sa bintana.
“Aw!” sigaw niya nang mapaso ang balat niya nang tamaan ng sikat ng araw.
Nakalimutan niyang hindi na pala siya puwedeng magbabad sa sikat ng araw. Matagal na panahon din bago niya nakilala ang kanyang sarili. Makalipas ang isang taon na pananatili nila sa Manhattan ay nakumbinsi niya si Serron na umuwi sila sa Pilipinas. Matagumpay ding nakuha ang pendant sa katawan ni Jero. Ilang buwan din niyang pinag-aralan ang pagiging bampira. At maluwag sa loob na niyang natanggap ang kapalaran.
Isang taon na si baby Jeddan. Mabuti na lang mabilis siyang naka-recover at nakilala niya kaagad ang mga anak niya. Pasalamat siya sa babysitter ni Jeddan na si Hera, na isang eight hundred years old vampire. Naalagaan nito nang maayos ang anak niya. Masa
