Nike Trinidad
Pagkatapos ng nangyari sa kotse ay halos mabaliw-baliw ako habang inaalala iyon. Hindi ako pinatulog ng aking imahinasyon dahil siya ang laman ng aking isipan. Kahit walang tulog ay maaga akong pumasok para sana sorpresahin siya. Bumili pa ako ng bulaklak para lang ibigay sa kanya. ‘Iyon pala ay hindi ko rin siya makikita.’
“Okay,” tipid kong sagot sa kabilang linya. “Enjoy!” Pilit akong ngumiti habang nakatingin sa bulaklak na aking hawak-hawak.
“Thank you!” sagot sa akin. Halata naman sa tono ng boses na masaya siya dahil pinayagan ko sa kanyang request.
Nagpaalam siya na dalawang araw na magli-leave sa trabaho para samahan ang kapatid. Simula nang magpaalam ay hindi na kami nagkausap. ‘Ni hindi rin nagte-text o tumatawag. Pati ang aking mga tawag ay hindi niya sinasago
