MATULING lumipas ang mga araw. At sa bawat sandali na magkasama sina Michelle at Noah ay lalo pa nilang minamahal ang isa't isa. Mas tumibay pa ang kanilang pagmamahalan. Bagaman at hanggang ngayon ay patuloy pa rin nilang inililihim sa isa't isa ang kani-kanilang sekreto.
Hanggang ngayon ay walang nakakaalam na parehong may kakaiba sa kanila.
"Napakaganda nitong private resort n'yo, mahal," komento ni Noah habang inililibot ang tingin sa paligid. Nakatayo sila sa balkonahe ng cottage na gawa sa kawayan. Mula roon ay kitang-kita ang malawak at mapayapang karagatan.
May isang oras na rin silang dumating sa Batangas at sa private resort na pag-aari ng pamilya ng kaniyang nobya. Summer vacation noon. At dahil walang pasok kaya napagkasunduan nila na mag-out-of-town. Malaki na ang tiwala s
