HINDI natagalan ni Hedvig na panoorin ang pag-iyak ni Angela kaya umalis siya sa kinaroroonan. Hindi niya maintindihan kung bakit gusto niyang sisihin ang sarili sa sakit at lungkot na pinagdadaraanan nito ngayon.
Ayaw niyang sabihin na inuusig siya ng konsensiya sa pagpatay kay Alvina. Dahil una, wala siya niyon. Pangalawa, bihag lang niya si Angela na kailangan din niyang patayin. Ano mang estrangherong damdamin na mayroon siya para sa dalaga ay kailangan na niyang kalimutan.
Bagaman at hindi alam ni Hedvig kung saan at paano umpisahan. Dahil sa tuwing magkasama sila ay natatagpuan na lang niya ang sarili na unti-unting lumalambot dito. Hindi sapat ang kasamaang ipinapakita niya sa dalaga para kumbinsehin ang sarili niya na hindi ito mahalaga sa kaniya.
Gusto ni Hedvig na kalimutan s
