Alas syete na wala pa rin si Elijah sa bahay. Kanina pa siya naghihintay rito na parang asawa. Alam kasi niya uuwi muna ito sa bahay nito para kumuha ng damit, pero kanina pa siguro iyon nakauwi sa bahay nito, at dapat sa ganitong oras nasa penthouse na ito para naman maghanda sila ng dinner nila.
Alas singko pa nga lang ng hapon eh naligo na siya at nag-ayos ng kanyang sarili. Pinili nga niyang suotin ang isa sa dress na binili ni Elijah sa kanya nang ipamili siya nito.
Nais pa nga niyang ayusin ang kanyang buhok, iyon nga lang wala siyang gamit. Pati pabango niya wala rin. Tanging face powder at lipstick lang kasi ang laman ng bag niya nangga gabing itakas siya ni Elijah mula kay Joseph.
Nais niyang maging maganda sa paningin ni Elijah, dahil nais niyang higit pa sa halik ang mamagit
