"Uuwi lang ako sandali sa bahay," pagpapaalam ni Kael habang magkakaharap kami sa hapag. Sumagot si Trina doon pero hindi na ako nakisali pa. Ramdam ko ang maya't mayang tingin nila sa gawi ko, kapwa nanantya, parehong takot makapagsalita ng makakasakit sa akin.
Ngumiti ako sa kanilang dalawa, hindi pilit pero isang pagod na ngiti.
"Babalik pa kayo sa hospital?" Nasasaktan pa rin ako pero gusto kong bumalik. Gusto kong makinig sa kanila, kung bakit nila ako ginanito, kung bakit nila ako niloko... Gusto kong makarinig ng sapat na paliwanag.
Hindi kasi pwedeng doon nalang. Hindi ako makakamove-on kung sakali ngang sa ganitong pagkakataon kami magkakalayo. Pero naisip ko, posible namang minahal niya rin ako, 'di ba? Posible namang sa kabila ng naiisip niyang paghihiganti, nahulog din ang l
