"Saan tayo muna?" Tanong ko habang binubuksan ang takip ng tumbler na dala ko.
"Ako na magbuhat ng bag mo," nahihiyang sambit niya. Medyo malaki kasi ang bag ko ngayon pero hindi naman masyadong mabigat.
Nag-thumbs up ako sa kanya habang nilulunok ang tubig na ininom. "Ayos lang," saad ko habang sinasara ang takip at nilagay iyon sa bag pagkatapos.
"Pasensya ka na," Aniya saka ibinaba ang kanyang bag sa may bench. May kinuha siyang camera mula doon. I was amazed at first, halata kasing hindi basta-basta ang camera niya. Kulay black iyon at may casing na red at nakatatak ang pangalan niya. Wow!
May lace din iyon kaya isinabit niya sa kanyang leeg at muling bumaling sa loob ng kanyang bag, may kinuha siyang notebook doon saka nahihiyang iniabot sa akin. "Okay lang ba pahawak nito? Pagsus
