My Guardian Devil
Season 3
AiTenshi
Part 62: Walang kapantay na lakas
DEVON POV
Patuloy pa rin ang labanan sa malawak na kapatagan. Walang katapusang pagsabog ang maririnig sa ibabaw ng lupa at gayon rin sa himpapawid. Ang atungal ng mga kalaban at ang mga sigaw ng galit, takot at panaghoy ay mistulang isang masamang sumpa sa aking pandinig. Kapansin pansin na halos bumaba na ang bilang ng hukbo ni Xandre, samantalang nalagas na rin ang hukbo ng mga bangkay ni Boss Lu at nasa 40 na lang ang natitira sa mga ito, yung mga magigilas at malalakas. Sa grupo naman ng mga anghel ay marami na ring napinsala at ang iba sa kanila lumipad sa kalangitan para humingi ng karagdagang tulong. Sa makatuwid ay nakasabay naman kami sa hukbo ng kalaban, sa katotohanang mas marami ang lupon ng mga ito kay
