Shantal Mia
"Bukas sabay ka ulit sa amin, ha?" nakangiting sabi sa akin ni Chelle matapos ma-inspeksiyon ng mga guard ang aming mga bag dito sa employee's entrance/exit.
"Sige, kung okay lang sa inyo." Binigyan ko lang siya ng munting ngiti. Si Zayn naman ay nasa tabi niya at nakaakbay.
Sila na nga yata talaga. Tinatamad naman akong magtanong at hindi rin ako interesadong malaman. Hmp!
"Mauuna na kami! Ingat ka. Bye!" Nakangiting kumaway sa akin si Chelle paglabas namin ng pinto. Ang saya-saya niya. Halatang-halata naman sa hitsura niya, gano'n din si Zayn.
"Ingat, Mia." Kumaway din siya sa akin bago sila nagtungo sa motorsiklo nilang nakaparada sa tapat.
"Sige lang," sagot ko na lang sa sarili ko habang pinagmamasdan sila. Sinadya kong hindi na iparinig sa kanila 'yon. Napanguso na
