Kinabahan si Dorren. Sa tingin niya kasi ay galit si Rem. Marahas siya nitong hinila papasok sa loob ng bahay at pabalya pa nitong isinara ang pinto dahilan para manginig ang katawan ni Dorren sa takot. Nakatayo siya sa gitna ng sala habang tumutulo ang basang-basa niyang damit at buhok. Kahit na kinakabahan ay naglakas loob siyang tingnan si Rem na napapasuklay sa kanyang buhok. Hinihilot nito ang kanyang sentido.
"Saan ka ba nanggaling? Bakit ngayon ka lang naka-uwi? Alam mo ba kung ano'ng oras na?" tanong ni Rem sa kanya. Pakiramdam ni Dorren ay pinipigilan lang nitong magtaas ng boses sa kanya.
"S-sa labas." Tipid na sagot ni Dorren.
"Sana kung lumabas ka, sana man lang nag-iwan ka ng note na lumabas ka. O 'di kaya ay dinala mo man lang sana ang cellphone mo. Hindi ganito na
