"Maraming taon na ang nakalipas, kung naging ordinaryong tao kaya si Khim Soong, kapiling kaya natin siya, Honey?" tanong ni Fier Yan sa asawang kapwa niya may edad.
"Oo ang sagot ko, Honey. Dahil kahit si Khemkaeng at ang pamilya niya ang nandito sa bahay ngunit madalas namang pumarito ang mga kapatid niya kasama pa ang kani-kanilang pamilya," tugon ni James Deen.
"Alam mo bang napapanaginipan ko pa rin siya paminsan-minsan? Noong nagtungo siya ng HU CHING WIE ay tinanggap ko na sa aking sarili hindi na natin siya makikitang muli. Ngunit sa tuwing dinadalaw ako sa aking panaginip ay lagi kong sinasabi sa aking sarili na sana ay magpakita siyang muli sa atin kahit pa sa anyong dragon," muli ay saad ng Ginang.
Sa pahayag ng mahal niyang asawa ay wala siyang maapuhap na salita upang maisa
