"Yan. Konti na lang ito, boyfie oh," malambing kong saad sa kaniya habang sinusubuan ko siya ng lugaw with boiled egg. Ngumanga naman siya at inubos talaga niya ang pagkain na ibinibigay ko sa kanya.
Medyo bumubuti na ang kalagayan niya ngayon sa halos isang linggo niyang pananatili dito sa Hospital sa Tagaytay. Pumunta na lang dito ang kaniyang Lolo at sila ang nag-usap ng mga Doctor.
Hindi ko pa rin alam kung ano talaga ang sakit ni boyfie dahil mahigpit itong inililihim ng kanilang Lolo. Hindi daw ito maaaring isa-publiko dahil kumplikado ang sitwasyon lalo na at isa siyang General. 'Yan ang narinig ko mula sa masinsinan nilang pag-uusap ng Doctor nang sinubukan ko silang sundan at makinig sa pag-uusap nila sa office ng Doctor. Pero 'yan lang ang mga narinig ko. Yong mismong sakit ay
