"B-boyfie?"
Nakasandal siya sa pinto ng kotse at walang emosyong nakatitig sa akin.
Napatitig ako sa kanyang hitsura dahil sa mas pangangayayat niya. Humpak na ang magkabila niyang pisngi at mas litaw na ang kanyang mga mata.
Dahan-dahan akong lumapit sa kaniya.
Hindi ko makuhang ma-guilty dahil masama ang loob ko. Nangako siya sa aking tatawag kaagad at ilang araw lang siyang mawawala ngunit inabot ng mahigit dalawang linggo at kahit anong paramdam ay wala siyang ginawa!
Pinaghintay niya ako at pinag-alala tapos ngayon ay bigla siyang magpapakita?!
"Anong ginagawa mo dito?" mahina kong tanong sa kaniya nang makalapit na ako. Mas napagmasdan ko pa ang kaniyang hitsura. Ano bang ginawa niya ng mga panahong hindi siya nagpakita sa akin? Hindi ba siya kumain?!
Nanatili siyang nakatitig
