Nikay's POV
Natulala na lang ako at hindi makapaniwalang iniwan ako ni Liam ng ganun-ganun na lang. Sinabi ko lang 'yon dahil alam kong hindi niya ako kayang tiisin! Na hindi niya kayang mawala ako sa kanya! Hindi niya kayang makipag-break sa akin!
Pero wala akong narinig na kahit anong sagot mula sa kanya at iniwan niya pa rin ako. Ibig sabihin ba niyon ay wala na kami?
Patuloy sa pag-agos ang aking mga luha. Sobrang sakit ng nararamdaman ko sa mga oras na ito. Wala na akong pakialam kung ang lahat ng mga tao sa paligid ay sa akin na nakatingin.
"Beshy, halika na. Pasok muna tayo sa restroom." Tinulungan akong makatayo ni Colleen at inalalayan patungo sa restroom.
Agad hinanap ng aking paningin si Liam dahil ang sabi niya ay sa restroom lang siya pupunta pero nagalugad ko na yata ang
