Star's POV
"Wala na bang tututol sa kasal?"
Sabay kaming napatingin ni Damon sa Pari dahil sa sinabi nito. Medyo natawa pa kaming dalawa. Wala naman ng tumutol. Tahimik na ang paligid. Muli kong sinulyapan si Starlet sa napili nitong pwesto. Nakangiti ito habang nakatingin sa amin.
Ang gaan sa pakiramdam. Ang sarap makitang kahit papaano ay nandito ang dalawang taong mahalaga sa buhay ko. Wala man ang mga magulang ko at least nandito ang kapatid at Lola ko. Masaya na akong makita sila sa kasal ko.
Halos hindi pa nga ako makapaniwalang buhay si Starlet. Puwedeng panaginip ko lang ito pero kung panaginip man ito sana huwag na lang akong magising.
Kasama pala ni Starlet si Rome. Nauna lang siyang pumasok ng simbahan.
"Magsimula na tayo." muli ay nagsalita ang Pari. Napatungo na lamang
