Chapter 14
Inalalayan siya ni Yoshi makaupo sa sementadong bato.
Dinala siya nito sa sea side na malapit lamang sa kanilang bahay. Private property ang lugar na iyon ngunit kaibigan raw ni Yoshi ang may-ari kaya naman nakapasok sila sa pribadong lugar
Maganda ang tanawin dahil sa payapang dagat na mahihina lamang ang alon. Natatanaw nila iyon habang nakaupo silang dalawa sa sementadong bato.
Maulap sa araw na iyon kaya naman hindi mainit at medyo malamig pa ang simoy ng hangin.
Mukhang hindi naman uulan ngunit nagtatago ang araw sa mga makakapal na ulap kaya naman makulimlim ang paligid
Tahimik lang silang nakatanaw sa dagat.
Alam nitong nalulungkot siya.
Mula pa kasi kanina ng umalis sila sa kanilang bahay ay doon palang niya naramdam ang kalungkutan niya
Kahit naiirita siya ka
