Ang Classmate Kong Siga
AiTenshi
Chapter 17
Halos wala akong nagawa kundi ang mapaluha sa kanyang harapan habang pinag mamasdan siya sa ganoong pag aamok. Hindi ko mapigilan ang sakit na nadarama ko na makita siya sa ganoong pag wawala na parang nilukuban ng kung anong masamang espiritu ng pag seselos kaya't ang kasunod nito ay isang malalang pag kabuang. Isang amba ang iginawad niya sa akin pero noong mahimasmasan ito sa kanyang pag wawala ay napaupo nalang siya sa kama at napako ang tingin sa sahig na parang sobrang lalim ng iniisip. Samantalang, tahimik lang kami sa loob ng silid. Napaupo nalang ako habang nakasandal sa pader at maigi siyang pinag mamasdan.
"Hindi ka ba napapagod sa pag seselos mo? Maayos naman tayo. Wala ka bang tiwala sa akin? Kung mayroon mang manloloko sa ati
