Yakap-yakap pa rin ni Vaughn si Jarra hanggang sa makarating sila sa hospital. Hindi pa rin siya makapagsalita at kagat-kagat niya ang kanyang kuko habang binabagtas nila ang daan papunta sa waiting room.
“Si Tita!” Narinig niyang sabi ni Talia. Agad siyang napalingon doon at nakita niya ang kanyang ina at kapatid na nakaupo sa mahabang couch. Mas lalong nanikip ang kanyang dibdib nang makita ang mga ito. Inakay siya ni Vaughn palapit sa kanyang ina at kapatid.
“Ate,” tawag pa ni Carlo sa kanya kaya napaangat din ng tingin ang kanyang ina sa kanya.
“Jarra!” Agad na tumayo ang ina niya at saka niyakap siya nang mahigpit. Mas napaiyak siya roon. Ibinaon niya ang kanyang mukha sa balikat ng ina at doon humagulgol. “Ang papa mo, Jarra. Ang papa mo,” paulit-ulit na sambit nito habang umii
