Sobrang nakaapekto sa mood ni Jarra ang naging sagutan nila ng ina. Pagbalik niya sa lamesa nila ay tahimik na kumain na lang siya roon.
"O, nasaan ang mama mo, Jarra," tanong pa ng ina ni Vaughn.
Bigla siyang kinabahan at gagawa na sana ng excuse nang dumating naman ang kanyang ina.
"Nako, pasensya na, Mare, may tumawag lang na tauhan sa tindahan," sabi pa nito at umupo na rin sa upuan nito. Nag-iwas na lang ng tingin si Jarra.
Naramdaman niya pa ang paghawak ni Vaughn sa kanyang kamay.
“Hey, are you okay?” tanong pa nito. Saglit na tiningnan niya lang ito at saka tinanguan.
“Yeah,” tahimik na sabi niya sabay tipid na ngiti.
Buong dinner na iyon ay naging tahimik na si Jarra. Naapektuhan talaga siya sa sinabi ng ina. Nakikisali pa rin naman siya sa mga usapan lalo na pag tina
