Kagat-kagat ni Jarra ang labi habang tinatawagan ang cell phone ni Vaughn. Halos maikot na nila nag buong facility pero hindi pa rin nila ito makita. Naging alerto na nga ang buong hospital at pati ang doktor nito ay sinabihan na rin niya.
"Sis, baka naman kasi nasa parking na si Vaughn. Hindi ba medyo OA naman tayo. Di ba nga ilang weeks na rin naman siyang hindi sinusumpong?" si Talia.
Marahas siyang umiling dito.
"Hindi, Tal. Kinakabahan ako at kung hindi man siya sinumpong, tinext o tinawagan na dapat niya ako. Wala siya sa parking. Nandoon pa ang sasakyan niya pagtingin ng guard. Hindi rin naman daw lumabas. Naman, e! Vaughn nasaan ka na ba?" Marahas niyang pinahid ang kanyang luha.
Naramdaman niya ang paghagod ni Talia sa kanyang likod. Wala na siyang pakialam sa mga tinginan
