KATULAD nang napagkasunduan nila ni Jason kagabi habang magkausap sila sa text ay sinamahan siya ng lalaki sa pagde-deliver ng mga orders. Mahirap naman kasi kung ipadadaan niya ang mga iyon sa mga delivery service. Baka magkaroon ng problema sa delivery lalo, tiyak na masisira siya sa mga customers niya.
"Salamat ah," aniya sa binata nang maihatid na niya ang order na set ng cake at cupcakes para sa isang batang magdiriwang ng kaarawan nito.
"You're welcome," simpleng sagot ni Jason saka siya nginitian.
Noon ikinabit ni Jenny ang kanyang seatbelt. "Kung gusto mo pwede mo na akong ibaba nalang sa sakayan para naman makauwi ka narin at magpahinga," aniya rito.
Tumawa ng mahina si Jason. "Pwede ba akong maglambing sa iyo ng Nilagang Baka?" tanong nito sa tono na katulad ng isinatinig nit
