Napapangiti siya habang umiiyak, hanggang ngayon kasi parang hindi pa rin siya makapaniwala sa mga nangyayari.
Maging ang paraan ng pagtingin ng kanyang papa at ng kanyang mama ay para bang may kalakip ng pagmamahal iyon, ibang iba sa paraan ng pagtingin ng mga ito sa kanya dati.
"Basta, sana mapatawad mo ako. Hindi ako sanay humingi ng tawad sa mga ganitong paraan. Nahihiya kasi ako at ayoko ng kadramahan kaya okay na 'yan. Bahala ka kung patatawarin mo ako o hindi basta hindi seryoso yung yung sinabi ko na yun sayo ha. Ewan ko ba sayo bakit naman kasi napaka masunurin mo. Ahhmm, teka okay ka na ba talaga? Aba dapat maging okay ka, kasi yung apo ko ingatan mo para hindi na ako magalit pa ulit sayo." Dugtong pa ng kanyang Mama na animo masungit pa rin at nakataas pa talaga ang kilay.
