Hinintay nga nila na makabalik ng ospital si Manang Connie, pero hindi na kumain si Alondra dahil sinabi ni Hendrick na doon na lamang ito kumain sa kanilang bahay para makapahinga ng maayos matapos kumain.
Sa totoo lang kinakabahan talaga si Alondra sa pagsama niya sa lalaki, tiyak kasi na malalaman na iyon ng iba pa nilang kamag-anak na nasa poder na siya ng lalaki. Siguradong malaking gulo kapag nagkataon, lalo na ang mga tiyahin at tiyuin niya na palasimba at tingin sa sarili ay perpekto.
Siguradong uulanin siya ng mga pangungutya mula sa mga ito, pero hindi naman kailangang pagsalitaan pa siya ng masasakit ng mga ito dahil wala naman siyang balak na ipagpatuloy ang kung anong relasyon nilang dalawa ng kanyang uncle.
Siya na nga mismo ang lumayo dito bakit siya babalik para lamang
