“Wow ang pogi pogi naman ng baby namin!” Bulalas ni Manang Connie na noon ay nasa kanyang silid.
Pinuntahan kasi ito ng kanyang asawa at ipinaalam ang kanyang kalagayan, tsaka inalam na rin ng kanyang asawa ang kalagayan ng kanyang papa at ipinagbigay alam na rin dito na nanganak na siya at nandoon siya sa kabilang silid.
“Kumusta na po ang kalagayan ng papa ko Manang, anong sabi niya ng malamang nanganak na ako?" Tanong niya sa ginang na noon ay karga ang kanyang anak.
“Hay naku, pagsabi ni Señorito Hendrick eh akala mo biglang lumakas ayun at napabangon nga sa higaan at gusto ng pumunta sa iyo dito. Gusto daw na makita ang kanyang apo pero, hindi naman hinayaan ng nurse kasi bawal pa nga daw itong magpagod. Todo pa nga ang pakiusap nito kay Señorito Hendrick na samahan siya dito
