"Kailangan nating pumunta ng hospital!" Pinilit agad ni Faith na bumangon kahit masakit pa ang kanyang sugat. Kahit na parang nahahati ang kanyang katawan sa sobrang sakit.
"Pero may sugat ka, Faith." Pigil sa kanya ni Jhie.
"Kaya ko 'to," sabi niya kahit na bakas na bakas sa mukha niya ang matinding sakit. "Lagyan mo na lang ng madaming gasa," ta's utos niya kay Jhie.
Nagkatinginan sina Jhie at Jomar. Sila ang nag-alala para sa kalagayan niya.
Gayunman ay mabilisan ang naging kilos ni Jhie. Nilagyan nga nito ng dagdag gasa ang sugat niya.
"Hindi mo kailangang pilitin ang sarili mo, Faith. Puwede naman tayong magdahilan kay Rey. At okay lang naman daw sa ngayon si Tita Felisita." Si Jomar, ito ang kinabahan. Lalo itong natakot sa dalaga. Ibang klase!
"Oo nga, Faith. Saka pupunta nama
