"Tay?!" hindi na napigilan ni Jhie ang damdamin. Sinugod na niya ng mahigpit na yakap ang kanyang ama. Ang ama na noon ay sa monitor lang ng kanyang mga computer nakikita.
"Miss, okay ka lang?!" takang-taka naman ang medyo may edad na ring pulis.
"Tay, ako po ito! Si Hazel! Tay ako si Hazel!" Pinakawalan na lahat ni Jhie ang matagal na pangulila sa kanyang ama. At oo, siya si Hazel! Hazel Trinidad ang totoo niyang pangalan. Tulad ni Faith ay iniba ni Don Savillano ng Jhie ang pangalan niya. Upang itago ang totoo niyang identity.
Doon na umawang ang mga labi ng pulis. Naibaba nito dahan-dahan ang mahabang baril. Lukso ng dugo siguro ay naramdaman agad ng ginoo na ito nga ang anak nitong matagal ng nawawala. "I-ikaw si Hazel?! Ang..ang anak ko?!" garalgar na ang tinig ng pulis.
"Opo, Tay
