"Tawagin mo na nga ang pinsan mo, Adrian, at kakain na tayo," utos ni Solana sa prinsipe nang matapos silang nakapagluto ni Sadie sa maliit nilang kusina sa kubo. Mula nang tumakbo ay hindi pa kasi bumalik. Hindi naman siya hinabol ni Solana. Si Adrian ay ginawang katulong ng dalawa sa kusina at inutusan ng kung ano-anong mga gagawin kaya hindi niya na nagawang sundan. Naghahain na sila sa hapag-kainan nang maalala nila si Edelweiss.
Tumalima siya agad at hinanap ito sa paligid. Wala sa bahay ng mga alagang hayop, wala rin sa hardin at maging sa silong ng malaking puno na di naman kalayuan sa kubo.
"Saan naman nagpunta 'yon?" Napakamot na lang siya sa ulo habang palinga-linga sa paligid at wala siyang makitang ibang tao.
Psst!
Akmang aalis na siya nang may pumaswit sa kung saan. Nagp
