Edelweiss's Point of View
Pagbalik namin ni Maximus sa palasyo ay nagkakagulong mga tao ang sumalubong sa amin. Halos walang madaanan at may kaniya-kaniya silang isinisigaw. Hinihiling na may isang mamuno sa kanila. Isang bagong hari na uupo na may mabuting puso at katapangan para gumabay sa kanilang pagbangon muli.
Nakisiksik kami ni Maximus sa mga taong iyon upang makapasok sa palasyo, ngunit wala pa man kami sa kalahati ay nakulong na kami matapos akong makilala ng isa sa kanila.
"Siya! Ang binatang ito ang nais kong maging hari!" Nagulat ako nang isigaw niya ito. Galing sa likuran ko at hinila niya ang aking braso upang hindi makaalis.
"T-Teka lang ho a—" pigil ko sa kaniya upang pakawalan ako, ngunit kahit naman bitawan niya ang braso ko ay hindi pa rin ako makadadaan dahil sa d
