Third-person's Point of View
Malalim na ang gabi, ngunit sige pa rin sa paglakad ang mga bilanggong dala nila Solana. Naririnig na ang pagrereklamo ng mga ito at halos matumba na ang ilan sa gutom at sobrang pagod.
“Ang lakas ninyong magreklamo pero nang nagtraydor kayo ay hindi n’yo man lang naisip na maaring ito ang kahinatnan n’yo? Mga hunghang!” inis na inis na sigaw ni Solana sa mga reklamador. Kanina niya pa kasi sila naririnig at nakaiirita ang mga boses nila lalo na kung sabay-sabay silang umaatungal na akala mo’y mga bata.
Pinagbigyan na niya sila. Tumabi muna sila at sama-sama ang mga bilanggo habang binabantayan ng mga kawal. Nakaposas naman ang mga ito at magkadudugtong ang kadenang nakakabit sa kanilang mga posas kaya hindi basta-basta makatatakas ang sinuman dahil maisasam
