MAKIKITA nga sa loob ng isang maganda at malawak na dining hall ang mga Eternity na masayang nag-iinuman kinagabihan. Isang mamahaling hotel nga ang kanilang tinuluyan at wala silang babayaran dito dahil parte ito ng kanilang pribilehiyo. Para naman sa kanila ay isang simpleng pagsasama-sama lang ito, kahit pa mga mamahaling alak at pagkain ang nakahain sa kanilang mesa nang mga oras na iyon.
Nakaupo nga sila habang nakatingin sa malaking telebisyon sa unahan nila kung saan ay napapanood nila kung paano gawing most wanted criminal ng gobyerno ang binatang si Saber.
“Nakakakita na pala siya… At mukhang lumakas din siya,” sabi nga ni Dexter na hawak ang isang magandang baso na may lamang alak.
“Tss… Kaso, ang tanong ay kung paano niya iha-handle ito? Paano niya poprotektahan ang mga taong
