Kabanata 65
Pinahiran niya ang kanyang magkabilang pisngi saka huminga ng malalim. Kinuha niya ang kanyang sunglass at isinuot ito. Pagkatapos ay pinaandar niya na ang sasakyan at dumiretso na sa kanilang bahay.
Nang ma-e-park niya na ang kanyang sasakyan ay agad din naman siyang lumabas ng kanyang sasakyan. Diretso siya agad papasok ng bahay at halos takbuhin niya na ang hagdan paakyat. Hanggang sa umabot siya sa kanyang kuwarto. Nang makapasok siya ay agad siyang napaupo sa sahig. Muli siyang napa-iyak ng matindi.
Iyon lang ang tangi niyang magagawa, ang umiyak. Parang daig niya pa ang namatayan. Tumayo siya at lumipat sa kanyang kama. Nahiga siya at niyakap ang kanyang sarili. She's still crying and gasping some air to breathe. Hanggang sa makatulugan niya na lamang ang pag-iyak.
