… KAI’s POV …
“Sino ‘yon?” usisa agad sa akin ni Aman. Naratnan niya kasi ako na may kausap sa aking cellphone. Sakto na bungad niya mula sa kusina para kumuha ng maiinom namin ang pagbaba ko ng phone ko.
“Si Sir Philip. Kaibigan ni Sir Jonathan na naging client ko sa Moonlife Insurance,” matapat ko namang sagot. Walang gana ko na inilapag sa lamesa ang cellphone ko.
Iniabot niya sa akin ang isang wine glass. Nagkayayaan kami na uminom dahil off niya ngayon sa trabaho. Ewan ko lang if itinuloy na nga niya ang pagli-leave din sa Banklink. Ayaw ko lang itanong ulit dahil baka magalit siya. Kahit na ayaw ko na ituon niya ng as in ang atensyon niya sa akin ay wala naman akong magawa. I know may sarili siyang buhay na dapat niya ring ipagpatuloy pero mas mainam siguro na naibabaling niya ka
