… KAI’s POV …
Pupungas-pungas ako na bumangon. And even without a clock, alam kong umaga na dahil sa mga tilaok ng mga tandang sa labas. Ewan ko ba sa rest house na ito kung bakit may mga manok, alaga yata ni Noy Henry.
Sa totoo lang ay ayaw ko pa sanang bumangon dahil tila pagal pa ang aking katawan sa dami ng ginawa namin nina Noy Henry at Juke sa kabilang isla. Gabing-gabi na nga kami nakauwi dahil hindi talaga kami hinayaan ni Apo Datu na umalis nang hindi kumakain. Hindi naman kami nagsisisi na doon kami naghapunan dahil grabe sa sarap ang seafoods na inihanda nila sa amin. Ang lalaking sugpo at alimango. May mga bangus at telapia pa. Panira lang iyong inakala kong karne ng manok na inihaw nila dahil nang ini-reveal sa akin ay karne pala ng palaka. Dumuwal-duwal talaga ako.
“Arte
