"BABE, birthday nga pala ni Maica sa Sabado at nagyayaya sila na maligo raw tayo sa dagat," imporma ni Ethan habang nagpupunas ng towel sa basang buhok. Katatapos lang nitong mag-shower.
"Okay lang naman sa'kin na sumama tayo. Matagal na ring hindi nakapagdagat ang mga bata, eh." Pinagpagan ni Zoe ang master's bed at inayos ang mga unan. Sinigurado rin niyang maayos ang pagkakalatag ng comforter. Isa iyon sa pinakaunang routine niya sa halos araw-araw. "Sa Lucena ba tayo magsi-swimming?"
"Sa Pagbilao daw tayo. Pero masiyado iyong malayo kung dire-diretso ang biyahe natin. Baka mapagod ang mga bata. Kaya naisip kong mag-stay muna tayo sa bahay sa Lucban para makapagpahinga." Binalingan siya ni Ethan habang nagsusuot ito ng damit. "What do you think?"
"Tama, babe. Para madalaw na rin nat
