"NASAAN nga ang nobya ko at bakit ikaw na hindi ko kilala ang nandito sa tabi ko?" inis na sita sa kaniya ni Ethan.
Parang wala sa sarili na dahan-dahang bumitaw ang kamay ni Zoe sa pagkakahawak kay Ethan nang marinig ang mga sinabi nito. Her body froze and everything else stilled. Ni kumurap ay hindi niya magawa habang nakatitig sa asawa. Naramdaman niyang may mainit na likidong pumatak sa magkabilang pisngi niya ngunit hindi niya iyon alintana.
Mas iniintindi ni Zoe ang kirot na umaalipin sa puso niya nang mga sandaling iyon.
Tanggap naman niya kung magkakaroon ng amnesia si Ethan. Handa siyang alalayan ito hanggang sa bumalik ang lahat ng memories na nawala dito.
Pero bakit? Bakit sa lahat ng puwede nitong kalimutan ay siya pa? At sa dami ng puwede nitong maalala ay ang ex-fiancee p
