HULING araw ng pag-upo ni Ethan bilang CEO. Mamayang hapon ay huhusgahan na siya ng Board of Directors.Tuluyan na niyang d-in-ecline ang pag-i-invest nina Mr. Akihiro at Mr. Dankov. Katunayan ay hawak na ito ngayon ng INTERPOL dahil sa patong-patong na kaso. At iyon ay sa tulong ni Brylle at nang senior officer nitong si Nicolo Gonzales. Totoo nga na mga miyembro ng international triad ang dalawa.
At may isa pang kailangang mahuli na kasamahan ng dalawang dayuhan sa mga illegal activities nito. Ngunit nakiusap si Ethan na saka na nila ito huhulihin kapag nakausap na niya. Bagaman at todo-bantay dito ang mga mata ng INTERPOL dahil baka makahalata at makatakas pa.
"Napaikot mo ako, Zoe Mei Tan," puno ng hinanakit na sumbat ni Justin kay Zoe nang magharap-harap silang tatlo para aminin ang
