MARIING napakagat-labi si Zoe nang maramdaman na naman niya ang paghilab ng kaniyang tiyan, habang patuloy niyang naririnig sa labas ng kuwartong iyon ang sunod-sunod at malakas na putukan. Naglalaban ang kaniyang loob na ilabas ang kaniyang mga anak dahil natatakot siyang baka mapahamak ang mga ito.
Simula pa lang noong salakayin sila ng mga tauhan ng Matrix sa EDSA ay inalipin na ng takot ang dibdib niya.
Akala noon ni Zoe ay katapusan na niya ang araw na iyon. Pero pagkatapos patayin ang grupo nina Alvin, inilabas siya ng mga kalaban sa sasakyan, kasama ang kaniyang ina. At saka niyupi-yupi ang Armored Limousine gamit ang malalaking truck.
Nang dalhin sila rito sa abandonadong gusali ay saka pa lang nalaman ni Zoe na si Damian Montemayor pala talaga ang nagpakidnap sa kaniya para g
